Babək rayonu ərazisində yol-nəqliyyat hadisəsi baş verib.

Hadisə Naxçıvan-Şahbuz magistralının Babək rayonu Cəhri qəsəbəsindən keçən hissəsində qeydə alınıb. “Tofaş” və “AzSamand” markalı avtomobillərin toqquşması nəticəsində 1985-ci il təvəllüdlü Samirə Yəhya qızı Allahverdiyeva və 2009-cu il təvəllüdlü Ümid Səbuhi oğlu Musayev xəsarət alıblar. Onlar Naxçıvan Muxtar Respublika Xəstəxanasına yerləşdiriliblər.

Hadisə yerinə polis əməkdaşları cəlb olunub, faktla bağlı araşdırma aparılır.

AZƏRTAC