Fransada həyata keçirilən raket sınaqları nüvə gücünün nümayişinin bir hissəsidir və ümumi təhlükəsizlik səviyyəsini sarsıdır.

“İki sahil” xəbər verir ki, bu barədə TASS-a Nüvə Silahının Qadağan Olunması üzrə Beynəlxalq Kampaniyanın (ICAN) əlaqələndiricisi Florian Eblenkamp Fransanın "M51.3" strateji dəniz mənşəli ballistik raketinin bu yaxınlardakı buraxılışını şərh edərkən bildirib.

Eblenkamp qeyd edib: "Belə sınaqlar nüvə gücünün nümayişi formalarından biri və eskalasiya spiralının bir hissəsidir. Aşkar və gizli nüvə təhdidləri norma halına gəlib və onlar hər kəs üçün təhlükəsizlik səviyyəsini aşağı salır".

ICAN nümayişi vurğulayıb ki, təşkilat nüvə silahına malik istənilən dövlət tərəfindən həyata keçirilən raket sınaqlarını pisləyir.

Oktyabrın 6-da məlum olmuşdu ki, Fransa Prezidenti Emmanuel Makron "M51.3" strateji dəniz mənşəli ballistik raketinin sınaqlarını izləyib. O, bunu "uca və aydın mesaj" adlandırıb.