Ermənistan parlamenti Qəzzada dinc tənzimlənmə çərçivəsində yaradılmış Sülh Şurasının nizamnaməsini ratifikasiya edib.
“İki sahil” xəbər verir ki, iclasın canlı yayımı parlamentin rəsmi "YouTube" kanalında nümayiş olunub.
Nizamnamənin ratifikasiyasının lehinə müxalifət nümayəndələri də daxil olmaqla 90 deputat səs verib, daha 8 nəfər səsvermədə tərəfsiz qalıb. Ratifikasiyanın əleyhinə heç kim səs verməyib.
Yanvarın 22-də Davosda keçirilən Dünya İqtisadi Forumu çərçivəsində 19 ölkənin nümayəndələri Qəzza bölməsində dinc tənzimlənmə çərçivəsində yaradılmış Sülh Şurasının nizamnaməsini imzalayıblar.
Ermənistan Qəzza üzrə Sülh Şurasının nizamnaməsini 1 milyard dollar məbləğində üzvlük haqqı olmadan iştirak əsasında imzalayıb.
