Bir neçə gündür Lənkəran rayonunun fərdi təsərrüfatlarında polietilen örtük altında əkilmiş xiyarın yığımına başlanılıb.
AZƏRTAC-ın bölgə müxbiri xəbər verir ki, əsasən yerli bazarlara çıxarılan xiyarın məhsuldarlığı və qiyməti istehsalçıları qane edir.
İlk günlər yerində kiloqramı 2 manata satılan xiyarın qiyməti indi 1,5 manatdır.
Məhsul istehsalçısı Mərifət Babayeva mart ayının əvvəllərində 0,30 hektarda 2 min ədəd xiyar şitili əkdiyini, mövsüm ərzində fərdi təsərrüfatından 3-4 ton məhsul götürəcəyini söyləyib.
Əkin və becərmə zamanı kimyəvi dərmanlardan istifadə olunmadığına görə yetişdirilən xiyar məhsulu ekoloji cəhətdən təmizdir.
Qeyd edək ki, rayonda xiyar yığımı iyul ayınadək davam edəcək.