Moldova Avropa İttifaqının Silahlanma proqramı olan SAFE (Security Action for Europe) çərçivəsində ayrılan kredit hesabına İtaliyadan hərbi texnika almağı planlaşdırır.

“İki sahil” xəbər verir ki, bu barədə respublikanın müdafiə naziri Anatoli Nosatıy "Jurnal TV" kanalına müsahibəsində bəyan edib.

"İtaliya sənayesinin istehsal etdiyi hərbi avtomobillərin Rumıniya ordusu ilə birgə satınalınması üçün SAFE proqramına çıxış haqqında saziş imzalayacağıq. Söhbət IDV-dən (Italian Defense Vehicle) gedir. Bunlar Sovet ordusundan miras qalan köhnə modelləri əvəz etmək və əsgərlərin hazırlığı üçün istifadə etmək məqsədilə Milli Ordunun silahlanmasında görmək istədiyimiz yük avtomobilləridir", — deyə nazir bildirib.

Son dörd il ərzində respublika Aİ ilə hərbi müqavilə bağlayıb, həmçinin Böyük Britaniya, Rumıniya, ABŞ, Ukrayna və Fransa ilə hərbi sahədə əməkdaşlıq sazişlərini yeniləyib. Bu sazişlər əsasında Moldovaya zirehli daşıyıcıların, artilleriya sistemlərinin, atıcı silahların tədarükünə başlanılıb, eləcə də dron istehsalı yerləşdirilib.