07 sentyabr 2019 15:20
107

Moldova Prezidenti Vladimir Putinlə danışıqlar üçün Rusiyaya gedir

Moldova Prezidenti İqor Dodon bu gün Rusiyaya bir günlük işgüzar səfərə gedəcək.

AZƏRTAC yerli mətbuata istinadla xəbər verir ki, İ.Dodon səfər çərçivəsində Rusiya Prezidenti Vladimir Putinlə danışıqlar aparacaq. Tərəflər Moldova-Rusiya arasında əməkdaşlığın bütün aspektlərini, o cümlədən Rusiyanın təbii qazının Ukrayna vasitəsilə Moldovaya çatdırılmasını müzakirə edəcəklər.

Bundan başqa, ikitərəfli iqtisadi-ticarət əlaqələrinin gücləndirilməsi də müzakirə predmeti olacaq.