Bir müddət bundan əvvəl iş adamı Okan Kurtla boşanan pop ifaçısı Demet Akalın açıqlama verib.

Qafqazinfo xəbər verir ki, qızı Hira ilə İstanbulda görüntülənən müğənni keçmiş əri ilə görüşmədiyini bildirib:

"Dostlar, qızım yanımdadır. Bu barədə suallar verməyin. Okan bəylə görüşmürəm. Mən, eks-ərim və qızımın adının baş həriflərindən ibarət "DOH" nömrəli maşını qısa zaman ərzində dəyişdirəcəm".

Akalın çətin günlərində ilk olaraq Sılanın ona dəstək olduğunu qeyd edib: "Gərgin anlarımda Sezen Aksu, Gülben Ergen, Hülya Avşar zəng vurub dəstək oldular. Hətta Sıla da... Xanımı o qədər tənqid etmişdim, buna rəğmən məndən dəstəyini əsirgəmədi. İlk o yanımdaydı, Sıla məni şoka saldı. İllər əvvəl ailəm ilə münasibətlərimi korlayan İbrahim Tatlıses belə məni diqqətsiz qoymadı. Allah razı olsun".