İtaliyada koronavirusa yoluxub sağalmış şəxslər vaksinin bir dozası ilə peyvənd olunacaq.

"İki sahil" bildirir ki, bu barədə ölkənin Səhiyyə Nazirliyi qərar verib. Qeyd olunur ki, sağalmış şəxsləri xəstəlikdən 3 aydan tez və 6 aydan gec olmayaraq peyvəndləmək tövsiyə edilir. Xəstəliyi həm ağır formada, həm simptomsuz keçirmiş şəxslərin peyvəndlənməsi nəzərdə tutulur. Bu qərar koronavirusun yeni mutasiyalarının yayılması ilə əlaqədar təkrar yoluxma riskinin artması səbəbi ilə qəbul edilib. İtaliyada bu günədək 3 milyona yaxın şəxs koronavirusa yoluxub, 98 mindən çoxu ölüb.