“SOCAR Polymer” şirkətinin elan etdiyi Yay Təcrübə Proqramının (YTP) qalibləri müəyyənləşib.

“İki sahil” xəbər verir ki,  şirkətdən bildirilib ki, müsabiqənin qalibi olan 32 gənc təcrübəçi 8 həftə ərzində “SOCAR Polymer” kollektivinin bir üzvü olacaq. Növbəti 2 ay ərzində gənc təcrübəçilər müasir neft-kimya müəssisəsində peşəkar mütəxəssislər qrupuna qoşularaq yeni bilik və bacarıqlara yiyələnəcək, ali məktəbdə öyrəndikləri bilikləri real sənaye sahəsində və ofisdə tətbiq edəcəklər.

Qeyd edək ki, YTP-na qoşulmaq istəyən 1565 nəfərdən yalnız 32 gənc müsabiqənin hər iki turunda uğur qazanıb.