Sonradan ödənişli sayğaclarda (mexaniki sayğaclar) tarif limitlərinin sıfırlanması ilə bağlı "Azəriqaz" İstehsalat Birliyinin 104 çağrı mərkəzinə abonentlər tərəfindən 144 min sayğac şəkli göndərilib.
“İki sahil” xəbər verir ki, bunu İB-nin “104 Operativ Xidmət” şöbəsinin rəisi Xalidə Şimşək "Açıq qapı" aksiyası çərçivəsində jurnalistlərə bildirib.
Onun sözlərinə görə, qəbul olunan şəkillərin 30%-i oxumaq üçün yararlı olub.
"Bu 30%-in 85-90%-i artıq emal olunub və bazaya yerləşdirilib", - deyə X. Şimşək qeyd edib.
Qeyd olundu ki, hazırda respublika üzrə 1,5 milyona yaxın mexaniki sayğaclarla təmin olunub, onun da 370 mini Bakı və Abşeronun payına düşür.
