İnsanlıq tarixində elə şəxsiyyətlər var ki, onların adı həm öz xalqı, milləti, həm də bütün bəşəriyyət üçün mərhəmət, humanizm, inkişaf və səxavət rəmzinə çevrilmişdir. Birləşmiş Ərəb Əmirliklərinin banisi və ilk prezidenti, görkəmli dövlət xadimi, müdrik siyasətçi və uzaqgörən lider Şeyx Zayed bin Sultan Al Nəhyan da məhz belə şəxsiyyətlərdəndir. Onun adı bu gün dünya miqyasında müdriklik, sülh və tərəqqi kimi hörmətlə çəkilir. Şeyx Zayed bin Sultan Al Nəhyanı bəşəriyyətin qardaşlıq rəmzi kimi də adlandırmaq mümkündür. Şeyx Zayedin siyasəti ədalət, bərabərlik və insanlığa xidmət ideyalarına əsaslanırdı. O, xalqının rifahı, təhsilin, səhiyyənin, mədəniyyətin inkişafı, eləcə də qadınların cəmiyyətdəki rolunun gücləndirilməsi üçün böyük səylər göstərmişdir. Onun rəhbərliyi ilə Birləşmiş Ərəb Əmirlikləri qısa bir müddətdə regionun ən inkişaf etmiş, sabit və nüfuzlu dövlətlərindən birinə çevrildi. Bununla yanaşı, Şeyx Zayedin xeyriyyəçilik fəaliyyəti sərhədləri aşırdı – o, müxtəlif ölkələrdə humanitar layihələrə dəstək verir, ehtiyacı olanlara yardım əli uzadırdı. Onun səxavəti və bəşəri dəyərlərə sədaqəti bu gün də dünya ictimaiyyətində böyük heyranlıqla xatırlanır.

Şeyx Zayedin adını daşıyan mükafat sadəcə bir təltif deyil – bu, insanlığa xidmətin, humanitar dəyərlərə sadiqliyin və dünyaya müsbət töhfə verməyin simvoludur. Bu mükafat fərqli ölkələrdən, fərqli sahələrdə fəaliyyət göstərən, lakin eyni məqsədi – insanlara xeyir gətirmək ideyasını bölüşən şəxslərə və təşkilatlara təqdim olunur. Bu mükafata layiq görülmək yalnız bir fərdi nailiyyətin tanınması deyil, həm də Şeyx Zayedin yaşatdığı ali məqsədlərə sadiqliyin nümunəsidir. O, insanı təkcə maddi uğura görə deyil, mənəvi dəyərlərə bağlılığına, cəmiyyətə olan xidmətinə görə ucaldır. Şeyx Zayedin adını daşıyan bu mükafata layiq görülmək böyük şərəf olmaqla yanaşı, həm də dərin bir məsuliyyət deməkdir. Bu, həm mükafat alan şəxsin fəaliyyətinin beynəlxalq səviyyədə tanınması, həm də gələcək nəsillərə nümunə olması deməkdir. Bu mükafatı almaqla insan bir növ Şeyx Zayedin ideallarının davamçısına çevrilir – sülh, tolerantlıq, ədalət, yaradıcılıq və humanizm prinsiplərini təmsil edir. Belə bir təltif, hər kəsə göstərir ki, dürüstlük, əməksevərlik və insansevərlik kimi dəyərlər daim ucalıqda qalır.

Nəticə etibarilə, Şeyx Zayed mükafatına layiq görülmək təkcə fərdi bir müvəffəqiyyətin təsdiqi deyil, həm də bəşəri ideallara sadiq olmağın, insanlığa xidmətin simvoludur. Bu, həm mənəvi, həm də tarixi bir dəyər daşıyır.Belə bir mükafata layiq görülmək, sadəcə bir ad almaq deyil – Şeyx Zayedin ruhunun yaşadığı, onun ideyalarının həyata və insanlığa xidmət etdiyi bir ənənənin davamçısı olmaq deməkdir. Və həqiqətən də, Şeyx Zayedin adını daşıyan bu mükafata layiq görülmək böyük şərəfdir – həm bu gün, həm də gələcək nəsillər üçün.

Elmira Əkbərova,
Bakı şəhəri,  Xətai rayonu 191 saylı orta məktəbin tarix müəllimi