Oktyabrın 20-də Bakıda keçirilən Azərbaycan-Körfəz Ərəb Dövlətləri Əməkdaşlıq Şurasına üzv ölkələrinin biznes-forumunda 3 anlaşma memorandumu imzalanıb.

AZƏRTAC xəbər verir ki, Azərbaycanda İxracın və İnvestisiyaların Təşviqi Fondu (AZPROMO) ilə Körfəz Ərəb Dövlətləri Əməkdaşlıq Şurası (KƏŞ) Ticarət Palataları Federasiyası arasında qarşılıqlı əməkdaşlığa dair, AZPROMO ilə Səudiyyə Ərəbistanının Yanbu şəhərinin Ticarət və Sənaye Palatası arasında qarşılıqlı əməkdaşlığa dair, Azərbaycan Standartlaşma İnstitutu və KƏŞ Standartlaşdırma Təşkilatı arasında anlaşma memorandumları imzalanıb.