İngiltərənin "Mançester Yunayted" klubunun gənc futbolçuları Kriştianu Ronaldodan narazıdırlar.

"İki sahil" "The Athletic"ə istinadən xəbər verir ki, onlar 37 yaşlı hücumçunun müsahibəsində gənc oyunçularla bağlı tənqidi fikirlər səsləndirməsindən narazı qalıb.

Futbolçular "qırmızı şeytanlar"ın digər təcrübəli üzvü Edinson Kavani ilə daha çox ünsiyyət qururlar. Buna baxmayaraq, 35 yaşlı uruqvaylı forvard ingilis dilində yaxşı danışa bilmir.

Qeyd edək ki, Kriştianu Ronaldo cari mövsüm Premyer Liqada 17 oyuna çıxıb, 8 qol və 3 məhsuldar ötürmə ilə yadda qalıb.