Bu gün tam əminliklə demək olar ki, Azərbaycan Qarabağın və Şərqi Zəngəzurun simasını dəyişəcək.

“İki sahil” xəbər verir ki, bunu Prezident Administrasiyasının Xarici siyasət məsələləri şöbəsinin sektor müdiri Həbib Mikayıllı Ümummilli lider Heydər Əliyevin 100 illik yubileyinə həsr olunan “Dirçəliş. Başlanğıc” kitabının təqdimat mərasimində çıxışı zamanı deyib.

O, işğal dövründə Ermənistan tərəfindən ərazilərimizin tamamilə dağıdıldığını qeyd edib.

"Torpaqlarımız azad ediləndən sonra həmin yerlər yenidən qurulur. Azad edilən ərazilər ölkəmizin ərzaq təhlükəsizliyinə böyük töhfə verəcək. Laçın, Kəlbəcər, Şuşa kimi ərazilər turizm imkanlarımızın artmasına şərait yaradacaq".