Kəlbəcərdə yol-nəqliyyat hadisəsi baş verib.
“İki sahil” xəbər verir ki, DİN-in Mətbuat xidmətinin Gəncə regional qrupundan bildirilib ki, Kəlbəcər Rayon Polis Şöbəsinə rayonun Yanşaq kəndi ərazisində yol-nəqliyyat hadisəsi baş verməsi barədə məlumat daxil olub. Polis əməkdaşlarının hadisə yerində ilkin araşdırması zamanı məlum olub ki, 1969-cu il təvəllüdlü Kəlbəcər rayon sakini Adil Həsənov “Niva” markalı avtomobillə hərəkətdə olarkən idarəetməni itirib, maşın dərəyə aşıb. Nəticədə xəsarət alan Adil Həsənov xəstəxanaya aparılarkən yolda ölüb.
