Ukraynanın Energetika Nazirliyi hazırda əhali üçün elektrik enerjisi tariflərinin artırılması məsələsinə baxmır.

“İki sahil” RBC-yə istinadla xəbər verir ki, bunu Ukraynanın energetika naziri German Qaluşenko deyib.

O qeyd edib ki, ötən il Rusiya Federasiyasının enerji sektoruna genişmiqyaslı hücumları nəticəsində elektrik enerjisi tarifləri artırılıb.

Onun sözlərinə görə, indi artımdan danışmaq tezdir.

"Biz hələ də dəymiş ziyanın miqyasını başa düşmürük, dəymiş ziyanın tam qiymətləndirilməsi aparılmayıb və bərpa üçün nə qədər vəsait lazım olduğu bəlli deyil. Ona görə də tarifləri dəyişdirmək üçün hələlik heç bir layihə yoxdur”, - deyə Qaluşenko əlavə edib.