Qətərin baş naziri və xarici işlər naziri Şeyx Məhəmməd bin Əbdül Rəhman Əl Tani ABŞ dövlət katibi Antoni Blinkenlə telefon danışığında İsrail və Fələstinin HƏMAS hərəkatı arasında Qəzza zolağında atəşkəs sazişinin bağlanması üçün səyləri birləşdirməyə çağırıb.

“İki sahil”in məlumatına görə, Qətər Xarici İşlər Nazirliyinin “X” səhifəsində dərc edilən bəyanatda qeyd edilir ki, əmirliyin baş naziri Qəzza zolağında atəşkəsə və əsir və məhbusların azadlığa buraxılmasına gətirib çıxaracaq razılaşmaya nail olmaq üçün regional və beynəlxalq səviyyədə qüvvələrin birləşdirilməsinin vacibliyini vurğulayıb. O, həmçinin Dohanın Fələstin anklavında münaqişənin həllində Qahirə və Vaşinqtonla yanaşı vasitəçilik roluna sadiqliyini təsdiqləyib.

Məhərrəm Ağalaroğlu, “İki sahil”