Pentaqon yararsız silahların Tayvana təhvil verildiyini təsdiqləyib və nəticə çıxaracağına söz verib.

“İki sahil” xəbər verir ki, bu barədə adanın Mərkəzi Xəbər Agentliyi məlumat yayıb.

Pentaqonun sözçüsü Pit Nquyen deyib ki, departament artıq Tayvana yardımın göstərilməsi mexanizmini təkmilləşdirmək üçün tədbirlər görüb.

Eyni zamanda o, əmin edib ki, Tayvan ABŞ-ın təhlükəsizlik sahəsində əsas tərəfdaşıdır: “ABŞ hökuməti müttəfiqinə tədarük edilən avadanlığın operativ istifadə üçün uyğun olmasını təmin etmək öhdəliyinə sadiq qalır”.