"Twitter"in (indi X) qurucusu Cek Dorsi süni intellekt agentləri yaratmaq üçün yeni "Goose" platformasını elan edib.

“İki sahil”  "Kommersant"a istinadla xəbər verir ki, bu xidmət iş adamının "Block" şirkəti tərəfindən hazırlanıb və böyük dil modelləri ilə işi asanlaşdıran açıq və sərbəst mühitdir.

Platforma kodun bir dildən digərinə köçürülməsi, API-lərin yaradılması, verilənlər bazası monitorinqinin və optimallaşdırılmasının qurulması və performans testlərinin keçirilməsi kimi proqram mühəndisliyi tapşırıqlarının avtomatlaşdırılmasına kömək edəcək. Eyni anda bir neçə proqram və ya sistemlə işləmək mümkün olacaq.

"Goose Apache" 2.0 lisenziyası altında mövcuddur və onun modul strukturu xidməti mövcud sistemlərə inteqrasiya etməyə və xüsusi tapşırıqlar üçün uyğunlaşdırmağa imkan verir. Şirkət hesab edir ki, "Goose" mühəndislərə rutin işlərdən qurtulmağa kömək edəcək.