Davam edən quş qripi epidemiyası quşçuluq təsərrüfatlarında fəsadlar törətdiyi üçün ABŞ-da yumurtanın qiymətlərinin bu il daha da artacağı gözlənilir.
“İki sahil” xəbər verir ki, bu barədə CBS News xəbər yayıb.
ABŞ sakinləri artıq yumurtanın alınması ilə bağlı məhdudiyyətlərlə üzləşməyə başlayıblar.
Məsələn, Massaçusetsdəki Market Basket mağazalar şəbəkəsi alıcıları hər evə iki qutudan çox almamağa çağırıb. Bir Las Vegas sakini yerli ərzaq mağazasında yumurta rəflərinin boş olduğunu qeyd edib.
"Yumurta məhdudiyyətləri, çatışmazlıqlar və rekord yüksək qiymətlər ABŞ-da supermarketlərdə alıcıları məyus edir, çünki quş qripinin ölümcül ştammı ölkədəki quş sürüsünü məhv etməkdə davam edir"- deyə, məlumatda qeyd edilir.
