Yerli məhsulları dünyanın 40-dan ölkəsinə “Made in Azerbaijan” şüarı ilə ixrac edən “Azərsun Holdinq” 3-7 fevral tarixlərində “Prodekspo” sərgisində iştirak edir. “Bizim Tarla”, “Saville”, “Zeytun bağları”, “Shokki Mokki” və digər milli markaların təqdim edildiyi stend ziyarətçilər tərəfindən böyük maraqla qarşılanıb.
“İki sahil” xəbər verir ki, Rusiya bazarına yeni təklif olunan “Feel True” markası xüsusilə qonaqların diqqətini cəlb edib. Adıçəkilən marka artıq 4 ildən artıqdır ki, ölkəmizdə sağlam həyat tərzinə üstünlük verənlərin əsas seçimlərindəndir.
Qeyd edək ki, Bakıda və bölgələrdə 30-dan artıq istehsal müəssisəsi yaratmış “Azərsun Holdinq” 20 mindən artıq insanı daimi iş yeri ilə təmin edir və ölkəmizin ixrac potensialının artırılmasında mühim rol oynayır.
İKTA poçt xidmətləri üzrə III rübün şikayət indeksini və cavablandırma müddətlərini açıqlayıb
Vaşinqtonda Azərbaycanla ABŞ-nin kənd təsərrüfatı şirkətləri ilə əməkdaşlıq imkanları müzakirə olunub
Ötən ay İqtisadiyyat Nazirliyinin Çağrı Mərkəzinə 53 minə yaxın müraciət daxil olub