“BP-Azerbaijan” şirkəti “Azəri-Çıraq-Günəşli” (AÇG) yataqlar blokundakı "Azəri Mərkəzi Şərqi" (ACE) platformasından yeni hasilat quyusunun qazılmasına başlayıb.
“İki sahil” xəbər verir ki, bu barədə şirkətin Azərbaycan-Gürcüstan-Türkiyə (AGT) regionunda quyular üzrə vitse-prezidenti Rassel Morris məlumat verib.
"Ötən il ACE platformasından üç hasilat quyusu qazılıb. Hazırda dördüncü quyunun qazılmasına başlanılıb, cari ilin sonuna qədər artıq səkkizinci quyunun qazılmasını həyata keçirməyi planlaşdırırıq", - o, Bakıda keçirilən “IADC Drilling Caspian 2025” beynəlxalq konfransında bildirib.
R.Morris həmçinin qeyd edib ki, BP ACE platformasında qazın vurulması üçün bir neçə quyu qazmağı planlaşdırır.
"ACE platformasında lay təzyiqini saxlamaq məqsədilə qazın vurulması üçün bir neçə quyu qazmağı planlaşdırırıq. Bundan əlavə, şlamın təkrar vurulması (CRI) üçün quyunun qazılması nəzərdə tutulur ki, bu da səmərəliliyin artırılması və tullantıların optimal idarə edilməsi baxımından mühüm əhəmiyyət kəsb edir", - o əlavə edib.
İKTA poçt xidmətləri üzrə III rübün şikayət indeksini və cavablandırma müddətlərini açıqlayıb
Vaşinqtonda Azərbaycanla ABŞ-nin kənd təsərrüfatı şirkətləri ilə əməkdaşlıq imkanları müzakirə olunub
Ötən ay İqtisadiyyat Nazirliyinin Çağrı Mərkəzinə 53 minə yaxın müraciət daxil olub