Aİ məhsullarına 25 faiz idxal rüsumunun tətbiqi bu malların amerikalılar üçün əlçatanlığını azaldacaq. Avropalı pendir və şərab istehsalçıları xəbərdarlıq edirlər ki, onların məhsullarının qiymətləri o qədər artacaq ki, bu qiymətlər əksər amerikalılar üçün əlçatmaz olacaq.

“İki sahil” "Financial Times"a istinadla xəbər verir ki, 2024-cü ildə Aİ ABŞ-a 38 milyard avro dəyərində qida və içki ixrac edib, ancaq 14 milyard avro dəyərində mal əks istiqamətdə gedib. Bu vəziyyəti “fırıldaq” hesab edən Donald Tramp fevral ayında Aİ-dən idxala 25% rüsum tətbiq etməklə hədələyib.

Donald Tramp artıq 2019-cu ildə Airbus-a qeyri-qanuni subsidiyalarla bağlı araşdırma çərçivəsində Aİ mallarına idxal rüsumları tətbiq edib. Ancaq süd məhsulları istehsalçısı "Granarolo"nun rəhbəri Filippo Marchinin FT-yə izah etdiyi kimi, hətta bu rüsumları nəzərə alsaq, 2019-cu ildə orijinal Parmezanın qiyməti 1 kq üçün 13 avro idi. Keçən il, hətta ABŞ-dan əlavə ödənişlər olmasa belə, ixrac edilən parmezanın 1 kq-ı 15 avroya başa gəlib. Yeni sanksiyalar tətbiq olunarsa, onun qiyməti 1 kq üçün 20 avronu keçəcək.

İtalyan fermerlər assosiasiyası hesab edir ki, Trampın 25 faizlik tarifləri Amerika istehlakçılarına şərab, pendir və zeytun yağı da daxil olmaqla sevimli İtaliya məhsullarına əlavə 2 milyard avroya başa gələcək.