ABŞ-da ziyafətdə atışma nəticəsində iki nəfər ölüb, dörd nəfər yaralanıb.
“İki sahil” xəbər verir ki, bu barədə "ABC News" telekanalı məlumat yayıb.
Məlumata görə, 40-a yaxın yeniyetmənin şənlik etdiyi evin yaxınlığında küçədə dava düşüb, əraziyə polis çağırılıb. Daha sonra atışma səsləri eşidilib.
Hüquq-mühafizə orqanlarının əməkdaşları bir yeniyetməni şübhəli şəxs qismində saxlayıblar. Polis hadisənin motivlərini və şəraitini müəyyənləşdirir.
