"İran bərabər şərtlərlə dialoqun tərəfdarıdır. Siz bir tərəfdən İranı təhdid edib, digər tərəfdən danışıqlara çağıra bilməzsiniz. Əgər həqiqətən də danışıqlar istəyirsənsə, təhdidlərin mənası nədir?"

“İki sahil” İHA-ya istinadla xəbər verir ki, bunu İran prezidenti Məsud Pezeşkian Novruz bayramı münasibətilə paytaxt Tehranda hökumət rəsmiləri və bir qrup deputatla görüşündə ABŞ prezidenti Donald Trampın “birbaşa danışıqlara çağırışı” və İrana qarşı təhdidləri ilə bağlı deyib.

O, ölkə daxilindəki təhdidlərə qarşı birliyə çağıraraq, "Daxili fikir ayrılıqlarını bir kənara qoyub həmrəy olsaq, düşmən bizə qarşı addım ata bilməyəcək və biz xalqın problemlərini həll edə biləcəyik. Hamımız xalq üçün əl-ələ verməliyik. Bəziləri hətta ölkədə hər şeyi xalq üçün göstərilən xidmətləri siyasiləşdiriblər", - deyib.

Məhərrəm Ağalaroğlu, “İki sahil”