İkiqat Olimpiya çempionu Yevgeniya Kanaeva sosial şəbəkələrdə bədii gimnastika üzrə Rusiya yığmasının məşqçilər korpusunu tərk etdiyini açıqlayıb.

“İki sahil” xəbər verir ki, bu barədə "Kommersant" məlumat yayıb.

"2015–2025. Milli komandada işləmək şansı qazandığım hər bir insana minnətdarlığımı bildirmək istəyirəm. Sizin səyləriniz və dəstəyiniz bu təcrübəni unudulmaz etdi, - Kanaeva yazıb.

28 mart 2025-ci il tarixində Beynəlxalq Gimnastika Federasiyası (FIG) Kanayevaya beynəlxalq turnirlərdə məşqçi kimi iştirak etmək üçün neytral status verib.

Kanaevanın 35 yaşı var. Pekin (2008) və London (2012) Olimpiya Oyunlarında fərdi çoxnövçülükdə qızıl medal qazanıb. O, həmçinin 17 dəfə dünya çempionatının qalibi olub. Kanaeva karyerasını 2013-cü ildə başa vurub.