Futbol üzrə İngiltərə milli komandasının keçmiş üzvü, 1996-cı il Avropa çempionatında bürünc medal qazanan Pol Qaskoyn, evində huşsuz halda tapılaraq xəstəxanaya yerləşdirilib.

“İki sahil” xəbər verir ki, bu barədə “The Sun” qəzeti məlumat yayıb.

Bildirilib ki, Qaskoyn əvvəlcə reanimasiya şöbəsinə yerləşdirilib, və vəziyyəti sabit olaraq qiymətləndirilir.

Keçmiş futbolçunun xəstəxanada bir neçə gün qalması gözlənilir.

Orta sahə oyunçusu kimi çıxış edən Qaskoyn 58 yaşındadır. O, İngiltərə milli komandası ilə 57 oyunda iştirak edib və 10 qol vurub. O, İngiltərənin "Nyukasl", "Tottenhem", "Middlesbrough", "Everton", "Burnley", "Boston United", İtaliyanın "Lazio", Şotlandiyanın "Rangers" və Çin "Gansu Tiema" komandalarında oynayıb. O, FA Cup-ı qazanıb, iki dəfə Şotlandiya çempionu olub və Şotlandiya Kubokunu qazanıb.

Qaskoyn, Peşəkar Futbolçular Birliyi tərəfindən iki dəfə ilin ən yaxşı komandasına daxil edilib. 2002-ci ildə İngiltərə Futbol Şöhrət Zalına daxil edilib. 1990-cı ildə isə İngiltərə milli komandasının 4-cü yeri qazandığı Dünya Kubokunun simvolik komandasına daxil edilib.

Məhərrəm Ağalaroğlu, “İki sahil”