Rusiya Finlandiyadan İkinci Dünya Müharibəsi zamanı dəymiş ziyana görə kompensasiya tələb etməkdən imtinasına yenidən baxa bilər.

“İki sahil” xəbər verir ki, bu fikri TASS-a Rusiya Təhlükəsizlik Şurasının sədr müavini Dmitri Medvedev bildirib.

Medvedevin sözlərinə görə, Finlandiya NATO-ya daxil olduqdan sonra onun hakimiyyət orqanları əvvəllər imzalanmış sazişləri, o cümlədən 1947-ci il Paris Sülh Müqaviləsi müdafiə maddələrini və 1992-ci il Rusiya Federasiyası ilə münasibətlərin əsas prinsipləri haqqında Müqavilənin Finlandiya ərazisindən kənarda silahlı qüvvələrin istifadəsini qadağan edən müddəalarını pozmağa başlayıb.

"Belə revizionizm qətiyyətlə yatırılmalıdır" - deyə, o, qeyd edib. Onun fikrincə, müqavilədə hərbi-siyasi komponentin olmaması o deməkdir ki, Rusiya tarixi zərərə görə kompensasiya tələblərindən imtina etmək məcburiyyətində deyil və öz əcdadlarının əməllərinə görə hazırkı Finlandiya hökumətinin mənəvi məsuliyyəti məsələsini qaldırmağa tam hüququ var.