Böyük Britaniya hökuməti daha 19 qanunsuz miqrantı Fransaya deportasiya edib. Bu, iki ölkə arasında miqrantların geri qaytarılması ilə bağlı imzalanmış razılaşma çərçivəsində reallaşıb.

“İki sahil” “The Independent”ə istinadla xəbər verir ki, miqrantlar iki reyslə Fransaya göndərilib. Böyük Britaniyanın daxili işlər naziri Şabana Mahmud bildirib ki, bu, olkəyə kiçik qayıqlarla gəlmək istəyənlərə açıq mesajdır: “Əgər ölkəyə qanunsuz şəkildə daxil olmağa çalışsanız, saxlanılacaq və geri göndəriləcəksiniz. Buna görə bu səyahətə çıxmazdan əvvəl iki dəfə düşünün”, - deyə nazir bildirib. O, əlavə edib ki, cəmi bir neçə həftə ərzində Fransa ilə miqrantların geri qaytarılması razılaşması çərçivəsində 26 nəfər geri qaytarılıb və bu prosesin davam edəcəyi gözlənilir.