Rusiya qazı Avropa sənayesinin rəqabət qabiliyyətinin əsas elementlərindən biri idi və Avropa özü ondan imtina etdi.

“İki sahil” TASS-a istinadla xəbər verir ki, bunu Fransanın Prezidenti Emmanuel Makron Madriddə keçirilən iqtisadi forumda çıxışı zamanı etiraf edib.

"Bizim rəqabət qabiliyyəti və innovasiyalarla bağlı problemimiz var. Avropanın rəqabət qabiliyyəti əsasən ucuz Rusiya qazına əsaslanırdı ki, bu da bütün qitədə böhrana səbəb oldu. Biz Ukrayna münaqişəsi ilə əlaqədar sənayemiz üçün əsas olan bu tədarükləri dayandırdıq. Beləliklə, artıq Mərkəzi Avropanı – həm də istehsalat özəyi olan və iqtisadiyyatımızın digər sektorlarını arxasınca aparan regionu qidalandıran, belə demək mümkündürsə, bu əlçatan qaz yoxdur", – deyə o bildirib.

Makron qeyd edib ki, hazırda Avropa Hörmüz boğazındakı vəziyyətin səbəb olduğu və Avropa ölkələrinin qazıntı yanacağından asılılığını təsdiqləyən yeni enerji böhranı dalğası yaşayır. Bununla əlaqədar olaraq o, Avropada vahid enerji bazarının yaradılması istiqamətində işləməyə çağırıb və qitədəki iri enerji layihələrində maliyyə yükünün ədalətli şəkildə bölüşdürülməsinin tərəfdarı kimi çıxış edib.