"The Black Strat" kimi tanınan David Gilmourun 1969-cu ildə aldığı “Fender Stratocaster” gitarası hərracda ən bahalı musiqi aləti kimi dəyərləndirilib.
AZƏRTAC guitar.com saytına istinadən xəbər verir ki, gitara Nyu-Yorkun “Christies” hərrac evində 3,975,000 dollara satılıb.
“Pink Floyd” qrupunun üzvü olan David Gilmour öz qara gitarası ilə ("The Black Strat") “Comfortably Numb”, “Money” və “Shine On You Crazy Diamond” və digər saya gəlməyən mahnıları ifa edib.
