13 dekabr 2019 15:47
255

Millimiz 75-ci pillədə - FİFA-nın yeni reytinqi

FİFA qadın milli komandalarının növbəti reytinq cədvəlini açıqlayıb.

Qol.az-ın qurumun saytına istinadən yaydığı xəbərə görə, yığmamızın mövqeyində bundan əvvəlki siyahı ilə müqayisədə dəyişiklik olmayıb. Komandamız 75-ci pillədə qalıb. Ancaq yığmamız 19 xal itirib. Millimizin ehtiyatında hazırda 1326 xal var. Xal itkisinə səbəb Avro-2021-in seçmə mərhələsi çərçivəsində İspaniya (0:4), Çexiya (0:4) və Moldovaya (1:3) məğlubiyyətlərdir.

Qeyd edək ki, siyahıya 2174 xalla ABŞ başçılıq edir. Almaniya 2-ci (2078 xal), Niderland 3-cü (2035) pillədə qərarlaşıb.