Balıqçı sualtı ov zamanı ona hücum edən iki köpəkbalığını yumruqlayaraq qova bilib.

Milli.Az bildirir ki, olay Britaniya ərazisi olan Müqəddəs Yelena, Asensyon və Tristan da Kunya arxipelaqındakı Asensyon adasının sahillərində baş verib.

Atlantik okeanında ekstremal balıq ovuna çıxmış balıqçı yaşananları "əkşn-kamera" ilə çəkib. Sualtı qarpunla balığı tutan şəxsə qəflətən köpəkbalığı yaxınlaşıb.

Qorxuya düşmüş balıqçı qorunmağa başlayıb. Köpəkbalığını yumruqlayandan sonra o, bıçağı yırtıcının başına saplayıb. Yaralı köpəkbalığı üzərək kənarlaşıb. Bu zaman ikinci köpəkbalığı gəlib. Balıqçı onu da bıçaqla vurub və yaxınlıqdakı yaxtasına tərəf üzüb.