Bir qrup partiyanın Yeni Azərbaycan Partiyasına qoşulmaq barədə qərarı dövlətimizin başçısı, Müzəffər Ali Baş Komandan İlham Əliyevin həyata kecirdiyi siyasətə dəstəkdən, 44 günlük Vətən mühribəsindən sonra yaranan yeni reallıqların düzgün dəyərləndirilməsindən irəli gəlir
İqtisadi və siyasi islahatların vəhdətliyi ölkəmizin qazandığı uğurların davamlığında mühüm rol oynayır. Cənab İlham Əliyev daim bu reallığı qeyd edir ki, elə ölkələr var ki, demokratiya təcrübəsi nümunədir, amma iqtisadi tərəqqidən söhbət gedə bilməz. Elə ölkələr də var ki, iqtisadi isalahatları ilə diqqət çəkir, lakin demokratik inkişaf aşağı səviyyədədir. Azərbaycanda vəziyyət tamamilə fərqlidir. İqtisadi və siyasi islahatların vəhdətliyinin yaradılması ölkənin qarşısında geniş imkanlar açır.
Azərbaycanın son 17 ildə ulu öndər Heydər Əliyevin siyasi kursunun Prezident İlham Əliyev tərəfindən uğurla davam etdirilməsi nəticəsində əldə edilən uğurların miqyasına diqqət yetirmək kifayətdir. Təkcə bir faktı qeyd etmək kifayətdir ki, Azərbaycan beynəlxalq maliyyə qurumlarının hesabatlarında ən islahatçı 10 olkə arasında qərarlaşıb. Yeniləşmə, təkmilləşmə dövlət siyasətinin əsasını təşkil edir. Azərbaycanın inkişaf modeli dünyada təqdir olunur, daim öyrənilməyə cəhd göstərilir. Bir mühüm məqamı da qeyd etməliyik ki, 44 günlük İkinci Qarabağ müharibəsindən sonra Azərbaycanın yaratdığı yeni reallıqlar yeni yol xəritəsinin cızılmasını şərtləndirdi ki, bu da öz növbəsində Milli Prioritetlətin müəyyənləşdirilməsini zərurətə çevirdi. Artıq dövlətimizin başçısı İlham Əliyevin Sərəncamı “Azərbaycan 2030: sosial-iqtisadi inkişafa dair Milli Prioritetlər” təsdiqənib. Burada qarşıdakı dövr üçün hədəflər və onlara çatmağın yolları öz əksini tapıb.
Dövrün, zamanın tələblərinə uyğun təkmilləşmə bütün sahələri əhatə edir. Azərbaycanda digər ölkələrə nümunə olan demoratik mühit mövcuddur. Məlum olduğu kimi, hakimiyyətin hər üç qolunda - icra, qanunvericilik və məhkəmə-hüquq sistemində təkmilləşmələr xüsusi diqqət çəkir. Bir mühüm məqamı da qeyd edək ki, daim yeniliyə, təkmilləşməyə maraqlı olan, ölkəmizin ictimai-siyasi həyatında aparıcı rol oynayan Yeni Azərbaycan Partiyası 2019-cu ilin sonlarında qanunverici orqanda təkmilləşmənin vacibliyini bildirərək növbədənkənar parlament seçkilərinin keçirilməsi təşəbbüsü ilə çıxış etdi. Məhz bu təşəbbüs əsasında prosedur qaydalarına uyğun addımlar atıldı, sonda dövlətimizin başçısı İlham Əliyevin Sərəncamı ilə 2020-ci ilin fevralın 9-da növbədənkənar parlament seşkiləri keçirildi. Bu, tarixi müstəqillik tariximizlə üst-üstə düşən Yeni Azərbaycan Partiyasının Azərbaycanın qazandığı hər bir uğurda öz payı olduğunu təsdiqləyir. Partiyanın yaradıcısı, ümummilli lider Heydər Əliyevin “Yeni Azərbaycan Partiyası dünənin, bu günün və gələcəyin partiyasıdır” tezisi bütün dövrlərdə YAP-ın fəaliyətinin əsasını təşkil edir. Dövlətə, xalqa ximəti fəaliyyətinin əsas prinsipi kimi qəbul eən Yeni Azərbaycan Partiyasına milyonların sevgisi şəksizdir.
Demokratik inkişafın əsas göstəricilərindən biri coxpartiyalı sistemin yaradılması, ölkəmizdə siyasi partiyaların fəaliyyəti üçün lazımı şəraitin mövcudluğudur. Hazırda ölkəmizdə 50-dan artıq siyasi partiyanın qeydiyyatdan keçməsi və normal fəaliyyəti üçün lazım olan şəraitin mövcudluğu da bunun təsdiqidir. “Siyasi partiyalar haqqında” yeni qanunun qəbul edilməsi, həmcinin Prezident Administrasiyasında aparılan islahantlara uyğun olaraq yeni bölmələrin, o cümlədən Prezident Administrasiyasının Siyasi partiyalar və qanunvericilik hakimiyyəti ilə əlaqələr şöbəsinin yaradılması da siyasi partiyaların fəaliyyətinə, onlar arasında dialoq mühitinin formalaşmasına böyük dəstəkdir. Son zamanlar siyasi pariyalar arasında münasibətlərin, əlaqələrin inkişafına xidmət edən görüşlərin davamlı xarakter alması xüsusi qeyd edilən məqamlardandır. O da məlumdur ki, 44 günlük İkinci Qarabağ müharibəsi zamanı 50-dən artıq siyasi pariya bir araya gələrək dövlətimizin başçısı İlham Əliyevin ətrafında sıx birləşdi, həyata keçirilən siyasəti, atdığı addımları dəstəkləməklə bir daha ölkəmizdə vətəndaş həmrəyliyinin mövcudluğunu təqdim etdilər. Dövlətimizin başçısı İlham Əliyev bu günlərdə yerli və xarici media nümayəndələri üçün keçirdiyi mətbuat konfransında da bu məqamlara xüsusi diqqət yönəltdi.
Bu fakt inkaredilməzdir ki, Vətən müharibəsində dövlətimizin başçısı, Müzəffər Ali Baş Komandan İllham Əliyevin qətiyyəti sayəsində işğala son qoyulması, yeni reallıqlar yaranması bütün istiqamətlərdə uğurlu nəticələrə, yenliklərə yol açdı. Qələbəmizin memarı, Müzəffər Ali Baş Komandan İlham Əliyevə milyonların sevgisi, ona inamın, etimadın artması nəinki Onun ətrafında sıx birləşməkdə, həmçinin rəhbərlik etdiyi, milyonların partiyası imicini qazanan Yeni Azərbaycan Partiyasına üzv olmaq üçün müraciət edənlərin sayının artmasında, YAP-a qoşulan, onun siyasətini dəstəkləyən partiyarların mövcudluğunda aydın ifadəsini tapır. Bu yolu seçənlərin qəbul etdikləri qərarlar ictimaiyyət tərəfindən yüksək dəyərləndirilir. Dövlətinin, xalqının bu gününü, gələcəyini düşünən, hər bir məsələni xalqın iradəsi, dövlətimizin maraqları əsasında həll edən Liderə xalqın sevgisi şəksizdir. Bu Liderin rəhbərlik etdiyi partiyada təmsil olunmaq, eyni zamanda, ona qoşulub birgə addım atmaq böyük uğur, qarşıdakı hədəflərə töhfələr vermək üçün səylərin birləşdirilməsidir. Davamlı inkişafa, təkmilləşməyə xidmət edən hər bir addım, eyni zamanda, demokratik dəyərlərə sadiqliyin sözdə deyil əməldə təsdiqini tapması Azərbaycanın demokratik ölkə imicinə yeni əlavələr edir. Yeni Azərbaycan Partiyası “Yeni hədəflərə doğru” çağrışı ilə hər zaman əldə olunan uğurlarla kifayətlənmədiyini, daim irəliyə doğru addımladığını təsdiqləyir. YAP-in müasir dövrün çağrışlarından olan sivilizasiyalararası dialoqa töhfələri davamlıdır, yeni iqtisadi və sosial çağrışların müzakirəsi üçün beynəlxalq tədbirlərə ev sahibliyi edir. Bütün addımları əsasında bir məqsəd dayanır: Azərbaycanı daha güclü, qüdrətli dövlətə çevirmək, yüksək rifaha dəstək olmaq, ölkəmizin beynəlxalq nüfuzunu artırmaq. Yeni Azərbaycan Partiyasına qoşulmaq qərarını qəbul edən partiyalardan Azərbaycan Demokratik Sahibkarlar Partiyasının, Azərbaycan Xalq Demokratik Partiyasının və Milli Qurtuluş Partiyasının, Azərbaycan Yurddaş Partiyasının və Azərbaycan Kəndli Partiyasının adlarını qeyd edə bilərik. Düşünürük ki, belə bir addımı atmaq istəyən partiyaların sayı çox olacaq. Birlik, həmrəylik sayəsində işğaldan azad edilmiş ərazilər cənnətməkana çevriləcək.
Yeganə Əliyeva, “İki sahil”