Çin Google-a qarşı antiinhisar araşdırması elan edib.

“İki sahil” "Kommersant"a istinadla xəbər verir ki,  tənzimləyici qurum  Amerika korporasiyasının konkret nədə şübhələndiyini açıqlamayıb. İstintaqın elanı Dövlət Şurasının Tarif və Təsnifat Komitəsinin bəzi Amerika mallarına idxal rüsumlarının tətbiqi ilə bağlı hesabatından sonra verilib.

Bundan əlavə, Çin səlahiyyətliləri Calvin Klein brendinin sahibi PVH Corp. və ABŞ-ın gen sıralama şirkəti Illumina Inc-i qara siyahıya salıb.

Çin bütün bu tədbirləri ABŞ prezidenti Donald Trampın fevralın 4-də Çindən gələn mallara on faizlik gömrük rüsumunun tətbiqi ilə bağlı qüvvəyə minən fərmanına cavab olaraq həyata keçirib. Çin hakimiyyətinin cavab tədbirləri bazar ertəsi, fevralın 10-dan qüvvəyə minəcək.

İnternet axtarış sistemi və Google xidmətlərinin böyük əksəriyyəti 2010-cu ildən bəri Çində istehlakçılar üçün əlçatan deyil. Eyni zamanda, şirkət ölkədə, əsasən onlayn reklam bazarında fəaliyyətini davam etdirir.