Çin, Cənubi Koreya və Yaponiyanın xarici işlər nazirləri martın 22-də Tokioda görüşməyi planlaşdırır.
“İki sahil” xəbər verir ki, bu barədə Kyodo agentliyi məlumat yayıb.
Görüş zamanı, eyni zamanda, Tokioda xarici işlər nazirləri və iqtisadi məsələlərə cavabdeh olan nazirlərin iştirakı ilə “Yaponiya-Çin yüksək səviyyəli iqtisadi dialoqu”nun keçirilməsi də nəzərdə tutulur.
Çin, Cənubi Koreya və Yaponiya xarici işlər nazirlərinin rəhbərləri sonuncu dəfə 2023-cü ilin noyabrında Cənubi Koreyanın Busan şəhərində görüşüblər. Çinin xarici işlər naziri 2020-ci ildən bəri ilk dəfə Yaponiyaya səfər edəcək. Son zamanlar, iki ölkə arasında münasibətlərdə dialoqun intensivləşməsinin əlamətləri müşahidə olunur.
Pekin və Tokio nümayəndələri arasında əlaqələr 2024-cü ilin noyabrında Peruda keçirilən beynəlxalq konfransda Çin sədri Si Cinpin və Yaponiyanın baş naziri Şiqeru İşiba arasında keçirilən görüşdən sonra xüsusilə aktivləşib.
