ABŞ Prezidenti Donald Trampın xüsusi elçisi Riçard Qrenell Telegram-ın həmtəsisçisi Pavel Durovun Avropa ölkələrindən birinin Rumıniyanın işlərinə qarışması ilə bağlı yazısına münasibət bildirib. O, daha əvvəl demişdi ki, ondan “Rumıniyada mühafizəkarları susdurmaq” tələb olunub.

“İki sahil” xəbər verir ki,  bu barədə "Kommersant" məlumat yayıb.

“Təşəkkür edirəm, Pavel! “Cəsarətin ruhlandırıcıdır”, - Richard Grenell X sosial şəbəkəsində Pavel Durovun mesajını yenidən yerləşdirib.

Mayın 18-də Telegram-ın qurucusu Pavel Durov bir ölkə rəhbərliyinin messencerdən “Rumıniyadakı mühafizəkarları susdurmağı” xahiş etdiyi barədə yazı dərc edib. O, bunu platformadan kimin tələb etdiyini açıqlamayıb.

Durov, Rumıniya xalqının söz azadlığına və ədalətli seçkilərə layiq olduğunu yazaraq müraciəti qəti şəkildə rədd etdiyini bildirib. Fransa Xarici İşlər Nazirliyi Parisin Rumıniya seçkilərinə müdaxiləsi ilə bağlı xəbərləri təkzib edib.

Mayın 18-də Rumıniyada prezident seçkilərinin ikinci turu keçirilib. İkinci turda prezident postu uğrunda sağ təmayüllü Rumınların Birləşməsi Alyansının rəhbəri Corc Simion və Buxarestin avropapərəst meri Nikuzor Dan mübarizə aparıb. Seçki komissiyasının məlumatına görə, səslərin 100 faizi hesablandıqdan sonra Buxarest meri Nikuzor Dan 53,60 faiz səs toplayıb.