Moskvanın mərkəzindəki hosteldə miqrasiya qanunlarını pozmaqda şübhəli bilinən 300-ə yaxın şəxs saxlanılıb.

“İki sahil” RT-yə istinadla xəbər verir ki, bu barədə Rusiya Qvardiyasının Moskva üzrə Baş İdarəsi məlumat yayıb.

Qeyd olunur ki, Avanqard çevik polisi miqrasiya qanunlarının pozulması hallarının müəyyən edilməsi üçün keçirilən reyd zamanı Rusiya İstintaq Komitəsinin hərbi-istintaq idarəsinin əməkdaşlarına dəstək verib.

Tədbir zamanı təhlükəsizlik qüvvələri paytaxtın mərkəzində yerləşən yataqxanalardan birində 400 əcnəbi vətəndaşın sənədlərini yoxlayıb.

“Nəticədə 300 nəfər miqrasiya qanunlarını pozmaqda şübhəli bilinərək saxlanılaraq əlavə araşdırma aparılması üçün polis şöbəsinə aparılıb”, - deyə idarədən bildirilib.