Donald Tramp andiçmə mərasimində çıxışında qeyd edib ki, o, planetdə sülh yaratmaq niyyətindədir.

“İki sahil” "Kommersant"a istinadla xəbər verir ki, Amerika liderinin sözlərinə görə, vurğu Amerikanın gücünə yönələcək. Daha sonra Oval kabinetdə o, prezident Vladimir Putinin Ukrayna ilə bağlı razılığa gəlməməklə “Rusiyanı məhv etdiyini” söyləyib və onunla mümkün qədər tez görüşmək niyyətində olduğunu bir daha bildirdi.

Bu arada Moskva və Kiyev Ağ Evin yeni rəhbərini seçilməsi münasibətilə təbrik edib və Rusiya lideri faktiki olaraq münaqişənin həlli üçün şərtlərin adını çəkib.

Donald Trampın andiçmə mərasimində yüksək rütbəli xarici qonaqlar arasında xüsusilə İtaliyanın baş naziri Giorgio Meloni, Argentina prezidenti Xavyer Miley və Çinin vitse-prezidenti Han Zheng də var idi. Ukraynanı səfir Oksana Markarova təmsil edib. Prezident Vladimir Zelenski də öz növbəsində həmkarını və bütün Amerika xalqını təbrik edərək, qarşılıqlı faydalı əməkdaşlığa ümid etdiyini qeyd edib. Təbii ki, respublikaçının vəzifəyə gəldiyi ilk gündə Ukrayna məsələsində ciddi irəliləyiş gözləmək lazım deyil.

ABŞ-ın 47-ci prezidenti inauqurasiya nitqində açıq şəkildə bildirdi ki, onun əsas prioriteti daxili siyasət və yaxın qonşuları ilə münasibətlərdir.