2025-ci ilin BRİCS sammiti Braziliyanın Rio-de-Janeyro şəhərində keçiriləcək. Sammitin tarixi iyulun 6-dan 7-dək müəyyən edilib.

“İki sahil” xəbər verir ki, assosiasiyanın mətbuat xidməti bu məlumatı yayıb və qeyd edib ki, Braziliya 2025-ci ildə BRİCS-ə sədrlik edəcək. Eyni zamanda, 2024-cü ildə Rusiya BRİCS-ə sədrlik edib və həmin dövrdə Kazanda keçirilən sammitdə tərəfdaş dövlətlər kateqoriyasının yaradılması barədə qərar qəbul edilib.

Tərəfdaşlar arasında Belarus, Boliviya, Qazaxıstan, Kuba, Malayziya, Tailand, Uqanda və Özbəkistan yer alıb. Bundan əlavə, Braziliya yanvarın 6-da İndoneziyanı BRİCS-in tamhüquqlu üzvü olaraq elan edib. Yanvarın 17-də isə Braziliya Xarici İşlər Nazirliyi Nigeriyanın BRİCS-ə tərəfdaş kimi qoşulduğunu açıqlayıb.