Mundra limanından (Hindistan) Astanaya keramik plitələrlə dolu 12 iyirmi futluq konteynerin daşınması təşkil olunub.

“İki sahil” “Qazaxıstan Dəmir Yolları” SC-nin mətbuat xidmətinə istinadla xəbər verir ki, qatar İran, Türkmənistan, Özbəkistan və Qazaxıstan ərazilərindən keçəcək.

Marşrutun uzunluğu dənizlə 1585 kilometr, dəmir yolu ilə isə 4300 kilometr təşkil edir. Çatdırılma müddəti Bəndər Abbas (İran) limanının iş yükündən asılı olaraq təxminən 25-30 gün çəkəcək.

Daşınma “Şimal-Cənub” dəhlizinin şərq marşrutu üzrə konteyner xidmətlərinin inkişafı çərçivəsində həyata keçirilir. Bu dəhliz çatdırılma müddətlərini, malların daşınması xərclərini əhəmiyyətli dərəcədə azaltmağa və ölkələrin ixracatçı və idxalçılarının imkanlarını genişləndirməyə imkan verir.