Şimali Kipr Türk Cümhuriyyətinin (ŞKTC) Prezidenti Ersin Tatar BMT-nin Baş katibi Antonio Quterreşdən Cenevrədə Kiprlə bağlı müzakirələrdə iştirak etmək üçün rəsmi dəvət alıb.

“İki sahil” Kipr türk liderinin administrasiyasına istinadla xəbər verir ki, martın 17-18-də Kipr məsələsi üzrə fikir ayrılıqlarının həlli ilə bağlı geniş tərkibdə qeyri-rəsmi müzakirələrin keçirilməsi planlaşdırılır.

İştirakçılar martın 17-də nahar üçün toplanacaq, səhər saatlarında ikitərəfli görüşlər, ardınca isə BMT-nin Cenevrədəki mənzil-qərargahında geniş müzakirələr aparılacaq.

Kiprlə bağlı “5+1” formatında son qeyri-rəsmi konfrans (Türkiyə, Yunanıstan, Böyük Britaniya, iki Kipr icması və BMT) 2021-ci ildə İsveçrədə baş tutub.