Black Hawk ekipajının səhvləri yanvar ayında Vaşinqtonda sərnişin təyyarəsinin qəzaya uğramasına səbəb olub.  Vertolyotun həddən artıq yüksəkliyə qalxmasından əlavə, pilot uçuş təlimatçısının kursu dəyişmək göstərişinə əməl etməyib.

“İki sahil” xəbər verir ki,  bu barədə "The New York Times" məlumat yayıb.

Bundan əlavə, dispetçerlərlə vertolyot pilotları arasında ünsiyyət zamanı problemlər yaranıb: helikopter heyəti danışmaq üçün mikrofonu açanda bəzi təlimatlar kəsilib.

Məqalədə deyilir ki, vacib məlumat eşidilməyib.

Yanvarın 29-da ABŞ fiqurlu konkisürmə çempionatının keçirildiyi Viçitadan uçan təyyarə Vaşinqton yaxınlığında qəzaya uğrayıb. ABŞ ordusuna məxsus helikopter uçarkən sərnişin təyyarəsi ilə toqquşub. Məlumata görə, təyyarə ilə toqquşan “Black Hawk” helikopteri kursdan çıxıb və icazə verilən maksimum hündürlükdən 30 m hündürlükdə uçub.