Stokholmda artıq yüzlərlə ağacın ölümünə səbəb olan “Holland qarağac xəstəliyi"nin yayılması davam edir.

“İki sahil” xəbər verir ki, Stokholmun baş bağbanı Elizabet Elfström İsveç Kənd Təsərrüfatı Universitetinin apardığı təhlil nəticəsində xəstəliyin aşkarlandığını təsdiqləyib. Onun sözlərinə görə, hakimiyyət orqanları göbələklərin qonşu qaraağaclara yayılmasının qarşısını almaq üçün ağacı kəsmək qərarına gəlib, çünki ağaclar ümumi kök kütləsinə bağlıdır.

"Ağacı kökündən kəsə bilərdik, amma buna cəsarət etmədik. Zərəri minimuma endirmək və başqalarını yoluxdurmamaq üçün “kökündən kəsməyi" seçdik. Qalan qarağacların yoluxmadığına zəmanət yoxdur, lakin onlarda hələ ki, xəstəliyin əlamətləri özünü büruzə verməyib”, - deyə o izah edib.

Bu gün İsveçin paytaxtında 800-ə yaxın yoluxmuş ağac var və proqnozlar əlverişsiz olaraq qalır. Zamanla, peyvənd və xəstəliyin qarşısını almaq üçün davam edən tədbirlərə baxmayaraq, şəhərin bütün qarağacları məhv ola bilər.

Kungstredgorden mərkəzi parkında möcüzəvi şəkildə 1971-ci ildə “Qarağaclar uğrunda döyüşdən" sağ çıxan ən məşhur qarağaclardan biri də xəstəliyə yoluxub.

1967-ci ilin may ayında şəhər meriyasındakı siyasətçilər Stokholm üçün “City 67” adlı inkişaf planını təqdim ediblər, hansı ki, metroya giriş və bilet salonu və ticarət meydançalarının tikintisini nəzərdə tutub. Kungstredgorden parkında 13 qarağacın kəsilməsi planlaşdırılmışdı, şəhər bağbanının dediyinə görə, onlar xəstəliyə yoluxmuşdu. Lakin sonradan məlum olduğu kimi, bu doğru deyil. Hökumətin bu qərarı kütləvi etirazlara səbəb oldu.

Buna görə, qaraağacların 1971-ci il mayın 12-nə keçən gecə, ehtimal ki, parkda az adam olacağı vaxt gizli şəkildə kəsilməsi qərara alındı. Amma etirazçılar yenə də bu barədə xəbər tutdular.

“Alternativ şəhər” hərəkatı əvvəlcədən telefon şəbəkəsi təşkil etmişdi və bunun sayəsində minə yaxın insan ağacları qorumaq üçün parka toplaşdı. Etirazçılarla polis arasında toqquşma oldu, bir neçə nəfər yaralandı, lakin sonda hakimiyyət onların kəsilməsindən imtina etdi.