Fransa Prezidenti Emmanuel Makron Ukrayna Prezidenti Vladimir Zelenskinin Rusiya Prezidenti Vladimir Putinə ünvanladığı açıq məktubu müsbət addım kimi qiymətləndirib. O bildirib ki, bu təşəbbüs Ukrayna münaqişəsinin nizamlanması istiqamətində danışıqlar prosesinə töhfə verə bilər.

“İki sahil” xəbər verir ki, bu barədə RT məlumat yayıb.

Makron bu barədə Avropa İttifaqının sammitində çıxışı zamanı danışıb. Fransa liderinin sözlərinə görə, tərəflər arasında dialoqun bərpasına yönəlmiş hər bir təşəbbüs dəstəklənməlidir.

“Bu, yaxşı təşəbbüsdür və danışıqların yenidən başlaya bilməsi müsbət haldır”, – deyə Makron vurğulayıb.

Fransa Prezidenti hesab edir ki, siyasi və diplomatik kanalların açıq saxlanılması münaqişənin sülh yolu ilə həlli üçün vacib şərtlərdən biridir. Onun fikrincə, tərəflər arasında birbaşa və ya vasitəçilər vasitəsilə aparılan danışıqlar gərginliyin azaldılmasına və davamlı həll yollarının tapılmasına kömək edə bilər.