Avropada “Siqma Boy” mahnısının tənqid edilməsi dəlilikdir.

“İki sahil” xəbər verir ki,  bunu Rusiya Xarici İşlər Nazirliyinin rəsmi nümayəndəsi Mariya Zaxarova bildirib.

“Bu, artıq klinik rusofobiyadır. Sadəcə olaraq rusofobiya var, onun başqa mərhələləri də var"- deyə Zaxarova brifinqdə bildirib.

2024-cü ilin dekabrında Almaniya parlamentinin üzvü Nela Riehl "Siqma Boy" kompozisiyasını tənqid edərək, onu “rus ideyaları” və “patriarxal dünyagörüşü” üçün təbliğat vasitəsi adlandırıb. Həmçinin yanvarın 27-də pravoslav fəallar prokurorluğa müraciət edərək mahnının “uşaqların cinsiləşdirilməsinə yönəlmiş məlumatların yayılmasının” yoxlanılmasını tələb ediblər.

"Siqma Boy" mahnısı 2024-cü ilin oktyabr ayının əvvəlində müxtəlif platformalarda yayılmağa başlayıb. Mahnının sözləri 2018-ci ilin hiti olan “Girl with a bobble haircut” mahnısının ifaçısı Mukka (Serafim Sidorin) tərəfindən yazılıb. "Betsy" YouTube kanalında “Siqma Boy” buraxılışı 64 milyondan çox baxış toplayıb. Mahnı hazırda Billboard-un Hot Dance/Pop Songs-da 10-cu yerdədir.