Masallı Tarix-Diyarşünaslıq Muzeyinin və Masallı Dövlət Regional Kollecinin birgə əməkdaşlığı  sayəsində baş tutan  “Azərbaycan  dili milli varlığımızdır” mövzusunda inşa müsabiqəsinə yekun vurulub.

İnşa müsabiqəsinin nəticələrinin açıqlanması  münasibətilə keçirilən  tədbirdə  söz alan  kollecin təlim - tərbiyə işləri üzrə direktor müavini Dilarə Hüseynova,  muzeyin direktoru  Əntiqə Tağıyeva və kollecin müəllimi Nigar Əhmədova müasir  gənclərin dilə olan maraqlarının artırılmasından, onları milli dəyərlər ruhunda yetişdirilməsindən,  Azərbaycan dilinin  poetikliyi və zənginliyinin millətə  hər zaman qürur verməsindən,  həmçinin gənclərin yaradıcılığını ortaya çıxarılmasından bəhs ediblər.

Sonda müsabiqədə qalib gələn tələbələr diplomla təltif olunublar.

Zəfər Orucoğlu,
Azərbaycan Jurnalistlər Birliyinin üzvü