ABŞ Prezidenti Donald Tramp ticarət tariflərinin qüvvəyə minməsini iyulun 9-dan avqustun 1-nə təxirə salıb.

“İki sahil” xəbər verir ki, bu barədə mənbələrə istinadla “The Wall Street Journal” nəşri məlumat yayıb.

Məlumata görə, buna səbəbi maliyyə naziri Skott Bessentin ondan ticarət müqavilələri bağlamaq üçün daha çox vaxt istəməsi olub.

Amerika lideri köməkçiləri ilə söhbətində ticarət danışıqlarında irəliləyişin olmamasından narazılığını bildirib. Bessent və bəzi Amerika rəsmiləri Trampı inandırıblar ki, əlavə vaxt onlara Avropa İttifaqı və Hindistan da daxil olmaqla ticarət tərəfdaşları ilə danışıqlarda irəliləyiş əldə etməyə imkan verəcək.

Aprelin 2-də Tramp 185 ölkə məhsullarına gömrük rüsumunun tətbiq ediləcəyini bəyan edib. 10%-lik universal tariflər aprelin 5-də, fərdi tariflər isə aprelin 9-da qüvvəyə minib. Həmin gün ABŞ Prezidenti bəzi cavab rüsumlarının 90 günlük dayandırıldığını elan edib, bu, Ağ Evin izah etdiyi kimi, ticarət məsləhətləşmələri ilə bağlıdır. Bu müddət ərzində 10% universal tarif qüvvədədir. İyunun 27-də Amerika lideri aydınlaşdırıb ki, ABŞ ikitərəfli ticarətin sonrakı şərtləri, yəni Amerika bazarına tədarük etdikləri mallara görə rüsum dərəcələri barədə təxminən həftə yarım ərzində fərdi sazişlər imzalamayacağı ölkələri xəbərdar edəcək. ABŞ administrasiyası bu bildirişləri son bir neçə gündə göndərməyə başlayıb.